DİVANİ MAHDUMKULU ADLI ESER ÜZERİNE

   Taryhy ençeme müňýyllyklara uzap gidýän türkmen halky adamzat medeniýetiniň ösüşine özüniň saldamly goşandyny goşdy. Türkmen halkynyň taryhynyň gadymy bolşy ýaly, onuň şygryýet dünýäsi hem gadymy we baýdyr. Taryhyň dürli döwürlerinde ýaşap geçen türkmen şahyrlary dünýä edebiýatynyň taryhynda uly orun eýeläpdirler. Türkmen halkynyň şygryýet dünýäsi hakynda gürrüň edilende özüniň çuňňur manyly, sada hem düşnükli şygyrlary bilen öz döwrüni ýagtyldan, türkmen şygryýetiniň kämilleşmegine, türkmen çeper diliniň ösmegine saldamly goşant goşan şahyr Magtymguly Pyragy göz öňüňde janlanýar.