The Wave of Feminism in Zazaki Literature: Analysis of Stories by Women Storytellers

Authors : Pınar Yıldız

Pages : 214-246

Doi:10.21600/ijoks.1628630

View : 125 | Download : 138

Publication Date : 2025-03-21

Article Type : Research Paper

Abstract :Edebîyatê zazakî (kirmanckî) mîyan de heme tewiranê edebîyan de hûmara nuştoxê ke cinîyî zaf tay a. Labelê bîlhesa badê serra 2011î tayê kovare û rojnemayanê zazakî de ma berhemanê nuştoxê ke cinî yê, înan vînenê. Nê berhemdayîşî mabênê çar-panc serran de bi çapbîyayîşê kitabanê hîkayeyan dewam kerd. Bîlhesa serranê 2012-2013 û 2014î de têdima kitabê hîkayeyanê nuştoxê ke cinî yê çap bîyê. Na xebate de ma hewl da ke nê kitaban ra Bero Sûr (2012) û Menewşî (2020) ke hetê Bedrîye Topaçe ra; Pîyê Mi Kemane Cinitêne (2013) ke hetê Nadîre Guntaş Aldatmaze ra; Hêvîya Macire (2013) ke hetê Burçîn Bore ra; Zeman Sey Fekê Kardî Bî (Hîkayeyê Koyî) (2013) ke hetê Şeyda Asmîne ra; Vîndîbîyaye (2014) ke hetê Lorîn Demîrele ra ameyê nuştene, bi ewnîyayîşêkê femînîstî analîz bikê. Ma berhemanê nê nuştoxan de dekewtê temsîlîyetê cinîyan dima. Gelo mîyanê nê hîkayeyan de karakterê cinîyî bi terz û ewnîyayîşêkê senînî ameyê mojnayene û temsîlîyetêkê înan yo senîn esto? Berhemanê nê nuştoxanê cinîyan de, hetê babetan ra gelo ferqêk esto û nê nuştoxanê cinîyan kamcîn hetê cinîyan û cuya înan mojnayo ra? Nê hîkayeyan de sey karakter gelo cinîyî wayîrê temsîlîyetêkê senînî yê? Norm û rolanê komelkîyan nê nuştoxanê cinîyan û karakteranê înan yê cinîyan ser o senîn tesîr kerdo? Na xebate de derûdormeyê nê persan de ma hewl da ke nê berheman analîz bikê û nê persan rê cewaban bigeyrê.
Keywords : feminizm, Zazaki edebiyatında kadın yazarlar, Zazaki edebiyatında hikâye, Nadire Guntaş Aldatmaz, Bedriye Topaç, Burçin Bor, Lorin Demirel, Şeyda Asmin

ORIGINAL ARTICLE URL