Penaberî di Lehengsazîya Romana Barê Şevê ya Fawaz Husên da li gorî Rêbaza Realîzma Efsûnî

Authors : Mazhar ÇİFTÇİ

Pages : 55-69

Doi:10.55253/2022.nubihar.1119234

View : 20 | Download : 7

Publication Date : 2022-06-30

Article Type : Research Paper

Abstract :Fawaz Husên, fîksîyonalîteya romana xwe ya Barê Şêvê di lehengsazîya çar lehengên kurd ên penaber da ku her yek bi awayekî sembolîk ji parçeyekî Kurdistanê derketî û li ser sedem û encamên neyînî yên penaberîya wan her çar lehengan saz kirîye. Herwiha bingeha romana xwe jî bi awayekî giştî li gorî rêbaza realîzma efsûnî saz kirîye ku wekî tê zanîn di rêbaza realîzma efsûnî da qewimînên rastî yên heyatê û yên efsûnî hin caran ligel hev û hin caran jî wekî dijberîyeke dualî bi rê ve diçin. Em ê di vê xebata xwe da li gorî rêbaza realîzma efsûnî bi awayekî giştî sedem û encamên neyînî yên penaberîyê di lehengsazîya wan her çar lehengên kurd ên penaber da tehlîl bikin. Li gorî van tehlîlan di vê gotara xwe da em ê encamên neyînî yên penaberîyê di kesayetî û derûnîya her çar lehengên kurd ên penaber da destnîşan bikin.
Keywords : Fawaz Husên, Barê Şevê, penaberî, kurd û Kurdistan, realîzma efsûnî