هەلۆیستێ ویلایەتیێن ئێکگرتیێن ئەمریکا ژ کارەستا هەڵەبجە یا ساڵا 1988 `خواندنەکا مێژووى و بەڵگەنامەیى`

Authors : Karwan Salih Waisy

Pages : 472-489

Doi:10.26791/sarkiat.1734863

View : 35 | Download : 78

Publication Date : 2025-12-31

Article Type : Research Paper

Abstract :هێرشا کێمیابارانکرنا هەڵەبجە ئێک ژ درندەترین هەوێن لەشکەرى یێن حکومەتا عێراقێ ب دژى کوردان ئەنجامدان دهێتە هژمارتن، ئەڤ هێرشا حکومەتا عێراقێ بۆ ئەگەرێ کوشتن و برینداربوونا ڕێژەیەکا زۆرا خەلکێ مەدەنى هەروەسا ترسەکا زۆر دناڤ خەلکێ مەدەنى ل باشوورێ کوردستانێ بەڵاڤبوو ، چونکى حکومەتا عێراقێ ئەڤ هەوە ب مەرەما ژناڤبرنا کوردان ل عێراقێ ئەنجامددان. بەرۆڤاژى هزروبیرێن عێراقێ ئەڤ هەوا هۆڤانەیا عێراقێ بۆ ئەگەرێ ڕەنگڤەدانا دۆزا کوردى دناڤ دامودەزگەهێن حکومى یێن وەلاتێن زلهێز دا ب تایبەتى وەلاتێ ئێکگرتیێن ئەمریکا، دئەڤى بیاڤیدا ڕاگەهاندن و دامودەزگەهێن دى یێن فەرمى یێن ئەمریکا ڕۆڵەکێ گرنگ دنیشاندنا دۆزا کوردیدا بۆ ڕایا گشتى یا ئەمریکا گێراندبوو. لەوڕا ب فەر هاتیە دیتن ڤەکۆلینەکا زانستى لدۆر هەلۆیستێ ئەمریکا ژ ئەڤێ هەوا کارەساتبار بهێتە ئەنجام دان.ئەڤ ڤەکۆلینە دگەل نڤێسینا خۆدا دێ هەولدەت بەرسڤا چەندین مژارێن گرێدای ب بابەتێ ڤە بدەت مینا چەوا ڕاگەهاندنا فەرمى یا ئەمریکا ڕەوشا ئەڤى باژێرێ بۆ ڕایا گشتى یا ئەمریکا شرۆڤەکرییە؟ هەلۆیستێ کونگرێسێ ئەمریکا بەرامبەرى ئەڤێ هەوا لەشکەرێ یا ب دژى خەلکێ مەدەنى یێ هەڵەبجە هاتیە ئەنجامدان چەوا بوو؟ دیسان هەلۆیستێ حکومەتا ئەمریکا بەرامبەرى فشارێن ڕاگەهاندنا ئەمریکا و گوتارێن کونگرێسێ ئەمریکا لدۆر ئەڤێ هەوێ چەوا بوو؟ ئایە حکومەتا ئەمریکا چەوا سەرەدەرى دگەل نوونەرێن کوردان بۆ گەهاندنا پەیاما کوردان لدۆر سیاسەتا کێمیابارانکرنا دەڤەرێن کوردى ژلایێ بەغدا دکر؟. ئارمانجا سەرەکى یا ئەڤێ ڤەکۆلینێ نیشاندانا چەوانیا سەرەدەریکرنا ئەمریکا دگەل پڕۆسێسا ئەنفاڵکرنا کوردان و هەلۆیستێ حکومەتا ئەمریکا بەرامبەرى کوشتنا خەلکێ مەدەنى ب چەکێ کێمیایى یە.
Keywords : Halabja, Kürtler, kimyasal silahlar, Irak, Medya, ABD hükümeti

ORIGINAL ARTICLE URL