Mekan di Romanên Kurdî yên Sovyetê de: Mînakên Fîncana Ferfûrî û Xatê Xanim

Authors : Bahar ENÇ

Pages : 40-53

Doi:10.56491/buydd.1128684

View : 22 | Download : 27

Publication Date : 2022-07-22

Article Type : Book Review

Abstract :Wek hêmaneke bingehîn a romanê, mekan ji bo honandina romanê rolek mezin dilîze. Di romanê de mekan ne tenê ew cih e ku bûyer lê diqewime. Ji bilî vê, fonksyonên din yên mekanê hene. Wisa ku mekan bandoreke mezin li ser leheng û bûyerên romanê çêdike û di derbarê civak, aborî û takekesîya lehengan de xwîneran agahdar dike. Bi vî awayî xwîner dikare şîroveyan li ser romanê bike û bi teswîra mekanan dikare bikeve nava jiyana lehengan. Li gorî cureya romanê, mekanên hatine hilbijartin jî di romanan de diguherin. Ji bo destpêka romana kurdî Edebîyata Kurdî ya Sovyetê xwedî cihekî pîledar e. Lewre romana ewil li vir derdikeve û ew romanên li wir afirîne xwe dispêrin jîyana rastî. Bi vî awayî di wan romanan de mekan mekanên rastî ne û di derbarê wan mekanan de nivîskar gelek agahîyan didin. Ji ber vê yekê di vê xebatê de em ê li ser du romanên Kurdî yê êwra Kavkazê rawestin. Em ê van her du romanan ji aliyê bikaranîna hêmana mekanê ve binirxînin û em ê ji alîyê bikaranîna hêmana mekanê ve berawirdîya her du romanan bikin. Romanên ji bo xebatê hatine hilbijartin; Xatê Xanim a Elîyê Evdilrehman û Fincana Ferfûrî ya Ezîzê Gerdenzerî ye.
Keywords : Mekan, Fıncana Ferfûrî, Xatê Xanim, Roman