ОНОМАСТИКЭМ ЩЫЩ ЛЕКСИКЭ ЗАНЭХЭУ Л.Я. ЛЮЛЬЕ ИӀОФШӀАГЪЭХЭМ КЪАХЭДГЪЭЩЫГЪЭХЭМ БЗЭ ЗЭГЪЭШӀЭНЫМКӀЭ МЭХЬАНЭУ ЯӀЭР

Authors : Saida Abregova Nemlioğlu

Pages : 84-90

Doi:10.55179/dusbed.1496092

View : 19 | Download : 30

Publication Date : 2024-12-09

Article Type : Research Paper

Abstract :Тиӏофшӏэн зыфэгъэхьыгъэр ономастикэм (цӏэхэр зэраусрэ шӏыкӏэм) иӏахьэхэм ащыщэу лъэкъуaцӏэхэу (антропонимиехэу), лъэпкъыцӏэхэу (этнонимхэу), чӏыпӏацӏэхэу (топонимхэу), псыхъуацӏэхэу (гидронимхэу) Люлье иӏофшӏагъэхэу «Урыс-адыгэ гущыӏалъэм», тарихъ-этнографие тхыгъэхэм къахэдгъэщыгъэхэр ары. Мы ӏофшӏагъэхэм къадэхьэгъэ материалхэр Люлье хы Шӏуцӏэ ӏушъо шапсыгъэ зыщэӏэ лъэхъаным чӏыпӏэрыс адыгэ лъэпкъхэм ящыӏакӏэ-псэукӏэ нэшанэхэм акӏырыплъызэ, яупчӏзэ къыугъоигъэх. Шапсыгъэ лӏакъохэу, лъэкъуацӏэхэу нахь бэрэ узэрихьылӏэн плъэкӏыщтхэр Люлье къыхегъэщых. Лӏакъо пэпчъи лъэкъоцӏэ пчъагъэ гъэнэфагъэу къыхеубытэх. «Урыс-адыгэ гущыӏалъэм» ыкӏи тарихъ-этнографие тхыгъэхэм адыгэ лъэпкъыцӏэхэр къыщепчъых. Тарихъымкӏэ мэхьанэ ин зиӏэр зыцӏэ нахь къэмынэу адыгэ лъэпкъым хэкӏодыкӏыгъэхэ лъэпкъхэр ары. Ижърэ Адыгэ Хэкум ишъолъыр ит псыхъохэу шъэм ехъу Люлье хегъэунэфыкӏы. Этнографие тхыгъэхэм чӏыпӏацӏэхэми тащыӏокӏэ. Тхьабэ диным илъэужхэу къэнагъэхэу Тхьацӏэхэм, тхьалъэӏухэм ягугъу къыщешӏы.
Keywords : этнографие, лъэкъуaцӏэхэр, лъэпкъыцӏэхэр, псыхъуацӏэхэр, чӏыпӏацӏэхэр, тхьацӏэхэр, тхьабэ дин