Destpêkêk Derheqê Kokê Ziwanî de
Authors : Veysel YILDIZHAN
Pages : 89-101
View : 35 | Download : 9
Publication Date : 2020-10-31
Article Type : Research Paper
Abstract :Na meqale do bala xo bido kokê ziwananê merdiman ser. Mabênê ziwananê merdiman û gandaranê bînan de hem hetê meleke ra hem zî hetê şuxulnayîşê organan ra xeylê cîyayî estê. Nê cîyayî prosesêkê derg û dilayî de virazîyayê labelê ma ewro tena netîceyanê nê prosesî bi çimanê xo vînenê. Gama ke ma ewnîyenê medenîyetê merdiman ê pêroyî û ey ra ver wextanê premodernan ra tayê çîyî hewcedarê îzahatanê bibinge yê. Nînan ra yew zî virazîyayîşê melekeya ziwanî û ziwan bixo yo. Tarîxê fikirîyayîşî, kokê ziwanî ser o wayîrê xeylê çimeyan o. Platonî ra bigîre heta Chomsky zanaye û fikirîyayoxê cîyayî nê meseleyî ser o sereyê xo dejnayo û fikrê xo vatê. Seba ke babeta na meqale sînoranê fikirîyayîş û zanayîşî de ya, bi îfadeyê bînî sînoranê felsefe û zanistî de ya ma do fikrê xo vatişî ra zîyade hîna zaf teswîrê fikran bikerê. Derheqê kokê ziwanî de xeylê îdîayê cîyayî estê. Beno ke bi metodêkî refleksîfî roja yewina ke merdimêk dest bi ziwanî ser o fikirîyayîşî kerdo, heta ewro na mesele tim eql û qiseyanê merdiman de cayê xo girewto. Coka xeylê îzahatê cîyayî resayê roja ma. Na meqale de heta ke destê ma ra yeno tena îdîayê serekeyî do bêrê neqlkerdiş û encamê meqale de zî bi pêroyî nê bêrê erjnayîşKeywords : ziwano yewin, xebata ziwanî, kokê ziwanî, kokê ziwanî yê dînî, kokê ziwanî yê zanistî
ORIGINAL ARTICLE URL